நிறுவன அபிவிருத்தி உத்தியோகத்தர் - நிர்வாக முகாமையாளரின் காரிய தரிசி :Business Development Officer / Secretary for the MD

முன்னணி தனியார் நிறுவன மொன்றில் மேற்படி பதவி வெற்றிடம் உள்ளது.

நேர்முகத்தேர்வினில் பின்வருவனவற்றை ஒத்த கேள்விகள் கேட்கப்படும்

பின்வரும் கேள்விகளுக்கு நல்ல பதில்களை அளிக்கக் கூடிய வகையில் உங்கள் அறிவு மற்றும் அனுபவத்திறன் இருக்குமானால் (அனைத்துக்‌கேள்விகளையும் வாசித்து முடித்து விட்டு எம்மைத்தொடர்பு கொள்ளவும் )

1) வருவதற்கு முன்னர் எம்மைப்பற்றி அறிவதற்காக எமது நிறுவனத்தின் வெப்சைட்டைப் பார்வையிட்டீர்களா ?
2) எமது நிறுவனம் எவ்வாறான பணிகளில் ஈடு படுகிறது ?
3)எமது நிறுவனத்தின் முழுப்பெயர் சுருக்கமான குறியீட்டுப்‌பெயர் எவை ?
4)எமது நிறுவனத்தின் மிகப்பிரபலமான  சேவைகள் அல்லது உற்பத்திகள் சிலவற்றைக் குறிப்பிட்டு அவை ஏன் பிரபலம் என நீங்கள் கருதுவதையும் குறிப்பிட முடியுமா ?
5) நேர் முகத்தேர்விற்காக காத்திருக்கையில் உங்கள் முன் காணப்பட்ட எமது நிறுவனத்தின் துண்டுப்பிரசுரங்கள் - அறிவிப்புப்பலகைகள் என்பவற்றை வாசித்தீர்களா ?

இது ‌ஐப்னாஒன்லைன் முகப்புத்தகப்பக்கத்தில் பதிவிடப்பட்டது. பல இணையத்தளங்கள் எங்கள் பெயர் குறிப்பிடாமல் இதை மீள் பிரசரம் செய்துள்ளன. ”யார் குத்தியும் அரிசியானால் சரி” என்பது போல் நல்ல கருத்துக்கள் எவர் மூலமாகப்பரவினாலும் சரி.

அன்புள்ள புலம் பெயர் உறவுகளே!

தயவு செய்து தண்டச்சோறு தின்ன பணம் அனுப்ப வேண்டாம். வெறுமனே எந்த உடலுழைப்புமின்றி வெறும் வாங்கித்தின்னும் சமூகமாக எம்மை மாற்ற வேண்டாம்.

யாழ்ப்பாணத்தில் வேலைவாய்ப்புக்கள் கொட்டிக்கிடக்கிறது. ஆனால் வேலை செய்யத்தான் ஆட்கள் இல்லை .

”.அந்த வேலை அப்படி,இந்த வேலை இப்படி ,எனது படிப்புக்கேற்ற வேலை இல்லை இது...படித்துக்கொண்டே வேலை செய்வதா ? ” என்றே பெரும்பாலான வேலை தேடுவோர் இங்கு கேட்கின்றனர். தினசரி பல வேலை தேடுவோரை நேர் முகத்தேர்வுகள் மூலம் சந்திப்பதால் நாம் இதை நன்கறிவோம். அரச உத்தியோகம் மற்றும் கிளார்க் உத்தியோகம் என்ற இரண்டையே குறி வைத்து இவர்களது கேள்விகள் அமைகிறது. (வெளியே போற வேலை எண்டா வேண்டாம்..ஓபீசுக்கேயே இருந்து செய்யிறமாதிரி வேலை எண்டாத்தாங்கோ ..)

பகுதி நேர வேலை தேடுவோர்க்கான ஆலோசனைகள் 02 - Tips for Jaffnaonline.info's job seekers

புதியவர்களுக்கானது - 21/22 வயதிற்குட்பட்ட  தொழில்   முன் அனுபவம் இல்லாதவர்களுக்கான ஆலோசனைகள். 

1) யாழ்ப்பாணத்தைப்பொறுத்தவரை மிகப்பெரிய உற்பத்தி நிறுவனங்கள் இல்லாமையால் குறித்த தொழில் திறமை சாரா பகுதி  நேர வேலைகள் என்பவை மிக மிகக் குறைவு. குறிப்பிட்ட ஒரு துறையில் திறனுள்ளவர்களுக்கு மட்டுமே பகுதி நேர வேலைகள் கி்டைக்கலாம்.

2)பகுதி நேர வேலை- உதாரணமாக கணினி வரைகலையில்(Graphic Designing with Tamil typing ) நிபுணத்துவம் உள்ளவர் ஒருவருக்கு அச்சகங்களில் பகுதி நேர வேலைவாய்ப்புக்கள் வழங்கப்படலாம். ஆனால் அவர் அத்துறையில் வெறுமனே சான்றிதழை வைத்திருக்காமல் உடனடியாக வேலை செய்யும் அனுபவ அறிவைக்கொண்டவராக இருக்க வேண்டும். 

3) முழு  நேர வேலைவாய்ப்பை விட பகுதி நேர வேலை வாய்ப்பிற்குத்தான் திறமைசாலிகள் தேவைப்படுவர்(வடக்கைப்பொறுத்த வரையில்) 

4)எனவே மாணவர்கள் மற்றும் பகுதி நேர வேலைகளைத்தேடுவோர் உங்கள் தகுதிகளை அதிகரித்துக்கொள்ளுங்கள். 

பின்வரும் வகையிலான பகுதி நேர வேலைகளே தற்போது அதிகம் காணப்படுகின்றன(எதிர்காலத்தில் நிலமை மாறலாம்) :

உடனடி வேலைவாய்ப்பு - விளம்பர இலக்கம் 10# - Marketing executives needed in Jaffna

கொழும்பைத்தலைமையகமாகக்  கொண்டு இயங்கும் மென்பொருள் வடிவமைப்பு நிறுவனத்திற்கு யாழ்ப்பாணத்தில் பணிபுரிய சநதைப்படுத்தல் உத்தியோகத்தர் தேவை. அடிப்படைச்சம்பளம் மற்றும் கொமிசன் அல்லது அடிப்படைச்சம்பளம் இல்லாத அதிக கொமிசன் என்ற இரண்டு கட்டமைப்பில் அவர் விரும்பியபடி வேதனத்தை தீர்மானிக்கலாம்.

அவர் பின்வரும் தகுதிகளையாவது கொண்டிருக்கவேண்டும்.


1)Age : below 30
2)Educational Qualifications : Minimum S for English in one sitting in G.C.E O/L    or Should  appear for an English assessment test during interview  and get thorough And Minimum 2 S passes in G.C.E. A/L in any stream .
3)Good communication skills
4)Good knowledge in MS Office
5)Should be able to use email systems .
6)Male/Female both can apply
7)Good knowledge on web / e-commerce will be an added advantage
8)Minimum 1 year working experience in any filed is preferable but not a must(Trainees - welcome to apply )

சமூக சேவகர்கள் தேவை.

சமூக சேவகர்கள் தேவை.(Social workers to support Free Career Development and Career Guidance + Soft Skills Development Training )

14 வயதிலிருந்து 24 வயது வரைஉள்ளவருக்கான  அலுவலக நிர்வாகத்திற்கான மென்திறன்கள் மற்றும் திறனுள்ளவர்க்கான அலுவலக  நிர்வாகப்பயிற்சி என்பன கே.யு எடியுகேசன் நிறுவன உதவியுடன் ஜப்னாஒன்லைன் நிறுவனத்தின் ஊடாக முற்றிலும் இலவசமாக வழங்கப்பட உள்ளது.

பணமீட்டும் நோக்கின்றி தங்கள் ஓய்வு நேரங்களை உதவி தேவைப்படும் பல்வேறு வழிகளிலும் பாதிக்கப்பட்டிருக்கும் மக்களுக்கு செலவழிக்க விரும்பும் நல்லுள்ளம் படைத்தவர்களை நாம் தேடுகின்றோம். 

தொழில் வாய்ப்புக்கான அடிப்படை அறிவை சுமார் 14 வயதிலிருந்தே - பாடசாலைக்கல்வியுடன் சேர்த்து வழங்கப்பட வேண்டும் என்பது எமது நிலைப்பாடு. ‌வடக்குப்பிரதேசத்தில் காணப்படும் வேலையில்லாப்பிரச்சினையின் அடிப்படைக்காரணியான - திறனுள்ளவேலையாட்கள் இல்லாமை எனும் பிரச்சனைக்குத் தீர்வாக தொழில் நிறுவங்களில் பணிபுரியத்தேவையான மென் திறன்களை வளர்க்கும் இலவச பயிற்சி நெறிகளை நாம் வழங்க இருக்கிறோம். ஆனால் அதை உணர்ந்து பயன் பெறுவோரைத்திரட்டவும் பயிற்சிக்காலத்தில் இணைந்து பணி புரியவும் தொண்டர்களை நாம் நாடி நிற்கிறோம்.